പെരിന്തൽമണ്ണ : പെരിന്തൽമണ്ണ സർവ്വീസ് സഹകരണ ബാങ്ക് കുണ്ടോട്ടി ശിഹാബ് തങ്ങൾ ഡയാലിസിസ് സെൻ്റർ, പെരിന്തൽമണ്ണ അൽസലാമ കണ്ണാശുപത്രി എന്നിവയുടെ സഹായത്തോടെ സൗജന്യമായി കിഡ്നി രോഗ നിർണ്ണയ ക്യാമ്പും, ബോധവൽക്കരണ ക്ലാസും, കണ്ണ് പരിശോധനയും പാതാക്കര കോവിലകംപടി മദ്രസയിൽ വെച്ച് നടത്തി. ക്യാമ്പിന്റെ ഉദ്ഘാടനം ബഹു.നജീബ് കാന്തപുരം എം.എൽ.എ. അവർകൾ നിർവഹിച്ചു. ബാങ്ക് പ്രസിഡണ്ട് പച്ചീരി ഫാറൂഖ് അദ്ധ്യക്ഷത വഹിച്ചു. ചടങ്ങിൽ വൈസ് പ്രസിഡണ്ട് എ.ആർ.ചന്ദ്രൻ, ഡയറക്ടർമാരായ മമ്മി ചേരിയിൽ, സി.അബ്ദുൽ നാസർ, ഹനീഫ പടിപ്പുര, സമീർ വടക്കേതിൽ, മൊയ്തു കിഴക്കേതിൽ, അജിത് കുമാർ.വി, സുരാദേവി.ഇ.ആർ, റജീന അൻസാർ, സുൽഫത്ത് ബീഗം.ടി, മുനിസിപ്പൽ കൗൺസിലർ നിഷ സുബൈർ, ബ്ലോക്ക് കോൺഗ്രസ് കമ്മിറ്റി പ്രസിഡണ്ട് അരഞ്ഞിക്കൽ ആനന്ദൻ, മാർക്കറ്റിംങ്ങ് സൊസൈറ്റി ചെയർമാൻ സി.ഇർഷാദ്, പച്ചീരി സുബൈർ, അൽസലാമ കണ്ണാശുപത്രി മാനേജർ പി. അബ്ദുൽ കരീം, കുണ്ടോട്ടി ഡയാലിസിസ് സെൻ്റർ ഭാരവാഹികളായ രായിൻകുട്ടി നീരാട്, സജാദ്, സെക്രട്ടറി ഇൻചാർജ് നാസർ കാരാടൻ എന്നിവർ ആശംസകൾ നേർന്നുകൊണ്ട് സംസാരിച്ചു.
